نسهر

نسهر كل ليلة زي ما انت وعدتني ..

مستحيل هتحب قدي مهما قلبك حبني ..

لو وحشتك مرة واحدة ألف مرة واحشتني ..

كل كلمة جي تقولها قبل منك قلتها ..

كل حاجة تحس بيها أحس بيها وقتها ..

قلبي كان تايه في بعدك والثواني بعدها ...

كلمات معبرة جدا واحساسها عالي .. بس يا ريت لو حد يعرف اسم الأغنية إيه ..

مبروك للزمالك

مباراة الأهلي والزمالك أثبتت إن الزمالك أحسن نادي في مصر بلعيبته ونجومه الكبار جدا
وشيكااااا شيكااااااا لا متعب ولا تريكة

لاني بعيد

لاني بعيد ..... بعت الروح حواليكي ....

لاني بعيد ..... وقادر ربي يحميكي .....

وقادر ربي يجمعنا .... يرجعنا .... وأعيش ليكي ...

استفزاز

يعني مفيش كلام يتقال بعد اللي هنا بصراحة ...

http://aywakhadama.blogspot.com/2007/05/blog-post_29.html

.

.

.

.

.

.

.

.

.

.

لا تعليق !!!!

بجد حرااااام

يعني أنا بجد ماكانش ليا نفس أكتب أي حاجة عن أي حاجة بس الموضوع ده استفزني بجد ..
طبعا موضوع الفتاوي بتاعة اليومين دول من إرضاع الكبير و التبرك ببول الرسول ..
أنا عايز أعرف الناس اللي بتقول الكلام ده بتفكر ازاي .. دي ناس لغت عقلها و العنكبوت عشش جوا دماغهم ..
بس خبر زي ده في المصري اليوم

http://www.almasry-alyoum.com/article.aspx?ArticleID=61737
هو أضعف الايمان .. وده أقل حاجة ..
عشان مايبقاش خبر زي ده هو أكثر إثارة للتعليقات وللردود
http://www.alarabiya.net/articles/2007/05/22/34718.html
بس السؤال هو إزاي اتسمح للكلام الفاضي ده إنه يطلع للناس كده .. هو كل واحد كبر وخرف يخرف علينا ولا إيه؟؟
ده بوست عند مراقب مصري موتني من الضحك
http://egyptwatchman.blogspot.com/2007/05/blog-post_21.html
وده بوست شيماء ورد فعل طبيعي جدا منها
http://shaima2.net/node/66
وربنا يرحمنا برحمته ...

مش فارقة

مش فارقة نتكلم ...

نعيد ونزيد في إيه على إيه ...

ماعدش يفيد بكانا عليه ...

علماء مصر اخترعوا علاج لفيروس الكبد الوبائي

ده دليل إن مصر لسه بخير وإن بالرغم من ضعف الامكانيات هيفضل العقل المصري أعظم العقول على مر التاريخ من تحتمس لزويل .. وهيفضل في ناس بتشتغل بجد وكل همها خدمة بلدها .. عشان الناس دي عندها ضمير حي .. والفريق العلمي ده مؤمن إن في ايدينا نغير حياتنا للأفضل علشان التغيير ده بيبدأ من جوانا ومن أخلاقنا وضمايرنا ... وواجب كل مصري بيحب مصر إنه يتكلم عن الناس دي ويسلط الضوء عليهم علشان ي أبسط حقوقهم علينا .. أنا بجد بحيي الفريق العلمي ده ..

وبحبك يا مصر ...

المقال ده من جرنان خليجي على فكرة ...

كل شم نسيم وانتم طيبين ومصر كلها بخير

للأسف معرفتش آكل السنة دي لا فسيخ ولا رنجة عشان أنا برة مصر بس بالهنا والشفا لكل اللي كل وألف سلامة على أي حد تعب لا قدر الله ....

مش عارف!

أنا مش عارف أكتب أقول إيه حاسس بحالة من الزهق والاحباط .. نفسي أكتب وأقول حاجات كتير بس برجع في الآخر وأمسح كل حاجة وأقول مش فارقة ... الكتابة ممكن تريحني شوية بس أنا مش محتاج للراحة .. أنا محتاج لحلول ... مش عارف!

أحلى مكان في مصر

إيه أحلى مكان في مصر ؟؟

النيل .. القلعة .. الحارة ... القهوة .. الهرم .. اسكندرية .. أسوان .. العريش .. امبابة .. بولاق .. السيدة ... رمسيس ... التحرير

أعد إيه ولا إيه كل مكان له ذكرى جميلة .. كل مكان له ذكرى أليمة ... كل مكان بيفكرني وبيفكركوا بأحلى حاجة في مصر هو أحلى مكان في مصر .. ولا إيه ؟؟

في حب مصر ...

مش عارف جايز عشان أنا بره مصر بحبها قوي وواحشاني قوي وبخاف عليها قوي
وجايز لما كنت في مصر كنت بقول يوووه امتى هسافر بره أنا زهقت من البلد دي
بس لما تطلع بره هتشوف أحسن وهتعرف أكتر إن مصر أحسن بلد في الدنيا بكل حاجة حلوة ووحشة فيها
وعارفين إن في دول -ولو اني كده بظلم الدول - لو قعدوا 1000 سنة مش هييجوا حاجة في مصر
أنا بحب البلد دي قوي بشوارعها وبحواريها بناسها
واللي بيحب حاجة بيحبها كده على بعضها بحلوها ووحشها
وأنا حبيت أسجل وأقول وأدون إني بحبك يا مصر